Pas takimit me Ramën, në lidhje me propozimin për kandidimin në zgjedhjet e 25 Prillit, ditën e djeshme reagoi inxhinierja Luljeta Bozo e cila u shpreh se ka qenë një ofertë e papritur. Fillimisht ajo u shpreh se hezitoi për shkak të moshës, por më pas pranoi ofertën e KM.
“Unë mendova se takimi ishte për pjesën e rindërtimit, kur atje doli dhe ky propozim, nuk e pyeta fare se ku do të kandidoj. Atje m’u mbush mendja që të pranoja për këtë propozim.”
Pasi fitoi një popullaritet të madh tek shqiptarët me daljet e saj publike pas tërmetit të 26 Nëntorit, ndër të tjera Bozo. është shprehur se nuk ka qenë asnjëherë pjesë e partive politike.
“Jam e qartë në gjërat që kërkoj, nuk e prisja si propozim, duke parë konsideratën që kanë njerëzit për mua, vendosa që ta pranoj. Nuk jam anëtare e asnjë partie.”
Bozo deklaroi se nuk ka qenë simpatizante e asnjë partie, menjëherë pasi pranoi prozopzimin për të qenë pjesë e listave.
Inxhinierja e mirënjohur, plot 79 vjeç, ka deklaruar në reagimin e saj se truri i punon akoma në rregull, ndërsa ky kandidim i saj bie ndesh me përjashtimin nga listat e kandidatëve të Vasilika Hysit. “Po heq dorë që t’u hapë rrugën kalamajve u shpreh Rama për të dhe ndërkohë erdhi ky propozim, ashtu si edhe për shefen e Infektivit Najada Çomon.