138 milionë euro nga taksat e shqiptarëve për shokun e Edi Ramës dhe firmën turke

Koncensioni i radhës miliona euro që mban firmën e Edi Ramës është bërë publik. Ditën e sotme janë publikuar disa detaje të reja në lidhje me aeroportin e Vlorës, i cili është dhënë me koncesion tek tre kompani. Një prej të cilave është kompania turke Yda group, pra e njëjta kompani e cila po ndërton Spitalin Memorial të qytetit të Fierit. Siç duket kjo kompani ka rënë në dashuri me Shqipërinë saqe po bëhet pjesë e pandashme në çdo koncesion të qeverisë shqiptare. Kjo e fundit, se fundmi ka filluar të bëjë pazaret me kompaninë në fjalë dhe siç duket kanë gjetur gjuhën e përbashket mes tyre, duke rënë dakord për çdo gjë.

Kush janë këto kompani dhe punët e tyre në Shqipëri:

Mabetex Group

Mabetex, e regjistruar në Zvicër është e njohur për projektet ndërkombëtare të ndërtimeve dhe e drejtuar nga biznesmeni dhe politikani Pacolli. Në vitin 2017 kompania propozoi idenë për të marrë në zotërim zona toke në parkun e Divjakës dhe Karavastasë me qëllim ndërtimin e dhjetëra komplekse vilash, hotelesh dhe pallatesh.

Projekti propagandohej të kapte koston e investimit prej rreth 1 miliardë dollarësh, shifra që në fillim i tundonin banorët e zonës për ta pëlqyer projektin. Projekti në fjalë, përfitonte nga lehtësitë fiskale dhe ligjore që krijon ligji i investimeve strategjike i miratuar nga qeveria Rama në vitin 2015. Ndër lehtësirat ishin edhe përfitimi i tokës publike nëse investimi ishte madhor për turizëm.

Mirëpo angazhimi i mjedisorëve në diskutimet publike për të treguar efektet negative dha ndikim dhe banorët iu bashkuan qëndrimit kundër. Çështja u ndërkombëtarizua për faktin se zona e Divjakë-Karavastasë është strehë e 10 lloje shpendësh të rrallë dhe që njëkohësisht është zonë e mbrojtur me statuse ndërkombëtare Ramsar, IBA dhe KBA. Si përfundim qeveria hoqi dorë nga projekti.

Yda Group

Kompani turke ndërtimi, e njohur për ndërtimin e spitaleve dhe rrugëve me Partneritet-Publik-Privat, kryesisht në Turqi. Kompania njihet për lidhjet e afërta me presidentin turk Erdogan. YDA Group do të ndërtojë edhe spitalin e Fierit në vend.

Kujtojmë se gjatë inagurimit të fillimit të punimeve, pronari i kompanisë Hüseyin Arslan, u shpreh se:

Ne si grup, morëm urdhër nga Presidenti ynë, Recep Tayyip Erdoğan, javën e kaluar gjatë vizitës së Kryeministrit të nderuar në Turqi, na instruktuan të finalizojmë. Duhet të dorëzojmë spitalin pas 3 muajsh, ka një bast të madh mbi këtë gjë, e dimë që është një sfidë e madhe dhe faleminderit për mbështetjen që na dhanë që nga dita e parë.

Kompania 2A Group shpk

Kompania 2A Group, e regjistruar në Prishtinë është në pronësi të biznesmenit Kosovar Valon Ademit.