JOQ Albania
App Store
SHKARKO
Home
JOQ Albania

Deklarata e Agim Çekut pas shpalljes i pafajshëm në rastin “Veteranët”
Shkruar nga: A Gjoni | Publikuar më: 19/01/2021 13:18

  • Share
  • Share
  • Share
  • Share

Ish-kryeministri i Republikës së Kosovës, Agim Çeku, i akuzuar në rastin e njohur si “Veteranët”, ka deklaruar se aktgjykimi lirues ndaj tij dhe të akuzuarve tjerë është i drejtë dhe i pritur.

“Aktgjykimi lirues për mua dhe anëtarët e tjerë të komisionit për verifikimin e veteranëve është aktgjykim i drejtë, i pritur. Gjatë tërë kohës që nga fillimi e kam ndjerë vetën të pafajshëm, këtë e dëshmuam gjatë këtij procesi dhe ishte një vendim i drejtë dhe i pritur”, tha Çeku, pas shpalljes së aktgjykimit të martën, raporton “Betimi për Drejtësi”.

Ai së bashku me ish-ministrin e Mbrojtjes, Rrustem Berisha, deputetin Shkumbin Demalijaj, Nuredin Lushtakun, Sadik Halitjahan, Qelë Gashin, Shukri Bujën, Ahmet Dakun, Faik Fazliun, Smajl Elezajn, Fadil Shurdhajn dhe Xhavit Jasharin janë liruar nga akuza për keqpërdorim të pozitës apo autoritetit zyrtar.

Aktgjykimi është shpallur nga kryetarja e trupit gjykues, gjykatësja Nushe Kuka-Mekaj.

/express