JOQ Albania
App Store
SHKARKO
Home
JOQ Albania

Lali Zdromsi harron pemët dhe “mbjell” lekë, shpall fituese firmën që ofroi 95 milion më shumë
Shkruar nga: M Gjini | Publikuar më: 19/09/2020 22:19

  • Share
  • Share
  • Share
  • Share

Kryetari i bashkisë Tiranë, Erion Veliaj, apo siç njihet së fundmi gjërësisht në popull si lali Zdromsi, duket se ka nuk e harron zakonin e mbjelljes. Nëse më parë dilte orë e minutë me lopatë në dorë se gjoja po mbillte pemë, tashmë me sa duket po mbjell lekë. Po si po i mbjell lekët lali Zdromsi? Me ndonjë farë speciale? Jo, aspak. Po i mbjell nëpërmjet tenderave që organizojnë institucionet në varësi të tij.

Për më saktë, bëhet fjalë për një tender që mban numrin e referencës REF-56859-04-27-2020. Ky tender ka për objekt “Materiale për sinjalistikë (Tabela)” për një afat brenda 20 (njëzetë) ditëve nga nënshkrimi i kontratës dhe është organizuar nga Drejtoria e Përgjithshme e Rrugëve dhe Ndriçimit Publik. Ky i fundit është një institucion që varet direkt nga Bashkia Tiranë, pra nga Lali Zdromsi.

Nga dokumentat publikë rezulton se në këtë procedurë tenderimi kanë marrë pjesë 6 kompani, nga të cilat vetëm njëra ka ofruar vlerë më të lartë se kompania fituese. Ndërkohë, 4 firmat e tjera kanë ofruar vlera bindshëm më të ulëta. Mjafton të përmendim faktin se firma që ka ofruar vlerën më të ulët ka një diferencë prej gati 95 milionë lekë të vjetra më pak sesa firma fituese. Po cili është fituesi? Bëhet fjalë për kompaninë “I.D.K – KONSTRUKSION” shpk e cila ka ofruar vlerën prej 13.905.600 lekë të reja pa TVSH ose rreth 167 milionë lekë të vjetra me TVSH. Administrator i saj rezulton Gramos Dalipi kurse pronar me 100% të aksioneve rezulton Bajram Dalipaj.

Gjithashtu nëse bëjmë një llogari të thjeshtë, rezulton se vlera e ofruar nga kompania fituese është sa 92,79% e fondit limit të tenderit, një raport klasik ky që të bën të dyshosh shumë se fituesi është i paracaktuar. Ja pra, shikoni se sa thjesht Lali Zdromsi eliminon 4 kompani, ndër të cilat njërën që ofroi gati 95 milionë lekë të vjetra më pak, me argumentin e zakonshëm në këto raste se nuk kanë plotësuar kriteret. Bravo Lali, një mjeshtër i vërtetë në mbjelljen e lekëve!