Të tjera detaje janë bërë të ditura lidhur me atenatin e ndodhur mbrëmjen e djeshme në Laç ku për pasojë ka ndërruar jetë 37-vjeçari Bujar Lika (Hasani).
Biznesmeni 37-vjeçar ishte shënjestra e atentatit ndërsa sot u bë me dije se u regjistrua një tjetër viktimë.
Bëhet fjalë për 53-vjeçarin, Paulin Gjergji i cili ndërroi jetë në spitalin e Traumës pas plagëve të marra.
I pranishëm në vendngjarje ka qënë edhe 21-vjeçari, Kreshnik Tusha i cili sipas informacioneve, nuk ka lidhje me këtë ngjarje.
Burime nga “ABC News” bëjnë me dije se pranë lokaleve të tjera janë sekuestruar disa kamera të sigurisë që mund të identifikojnë autorët e kësaj ngjarjeje të rëndë.
Kamerat e sigurisë kanë pamje të qarta për të zbardhur ngjarjen, ndërsa 30 persona janë shoqëruar në polici dhe po pyeten rreth saj.
Duket se atentati ka qënë i mirëmenduar dhe autorët përgatitën skemën e veprimit.
Thuhet në burimet e siguruara nga ABC News.