Festë me 27 veta gjatë izolimit, infektohet me koronavirus një princ

Një princ ka kontraktuar koronavirusin pasi ka marrë pjesë në një festë gjatë izolimit në Spanjë.

Princi belg Joachim, 28 vjeç, udhëtoi nga Belgjika në Spanjë për një stazh më 26 maj.

Dy ditë më vonë, ai shkoi në një festë në qytetin jugor të Kordobas, dhe më pas rezultoi pozitiv për Covid-19.

Sipas informacioneve princi, nipi i mbretit të Belgjikës, Philippe, ishte në mesin e 27 personave në festë.

Sipas rregullave të izolimit të Kordoba, një parti e kësaj madhësie është shkelje e rregullave pasi nuk lejohen mbledhjet e më shumë se 15 personave bashkë.

Policia spanjolle ka nisur një hetim lidhur me festën. Nëse zbulohen organizatorët mund të gjobiten me 10,000 € për thyerjen e rregulla të vendosura.

Të gjithë ata që morën pjesë në festë thuhet se janë në karantinë. Princi Joachim, djali më i ri i Princeshës Astrid dhe i 10-ti në radhë për fronin belg, thuhet se ka simptoma të lehta të koronavirusit.

Rafaela Valenzuela, një përfaqësuese e qeverisë spanjolle në Kordoba, dënoi festën, duke i quajtur ata që morën pjesë "të papërgjegjshëm".

Jam shumë e zemëruar me ta. Një incident i këtij lloji në një moment të zi për kombin ku ka kaq shumë të vdekur nuk ka fare kuptim.

Kështu u shpreh Valenzuela për mediat.

Burimi: bbc Përktheu dhe Përshtati: JOQ Albania