Pas rikthimit të futbollit, tashmë ekipet kanë nisur të mendojnë edhe për merkaton. Një ndër to është edhe Beshiktashi. Drejtuesit e klubit turk kanë filluar të mendojnë që tani për lëvizjet që do të bëjnë në skuadrën e tyre, duke piketuar edhe objektivat.
Sipas mediave turke, në krye të listës për afrimet që do tentohen ne verë, qëndron mesfushori i Shqipërisë, Taulant Xhaka. Ky i fundit pëlqehet shumë nga trajneri i Beshiktashit, Sergen Jallçën dhe klubi turk do përpiqet ta afrojnë në radhët e tyre.
Kujtojmë që Xhaka, të gjithë karrierën e tij e ka kaluar te Bazeli në Zvicër, përjashtuar 6 muajt në vitin 2012, kur luajti i huazuar te Grassopers. Do jetë e vështirë që mesfushori të largohet nga Bazeli, por klubi turk e kërkon me çdo kusht dhe do të përpiqen ta afrojnë në merkaton e verës.