Aleanca për Mbrojtjen e Teatrit ka nxjerrë ditën e sotme dokumentet, ku disa inxhinierë kanë firmosur pro shembjes së Teatrit Kombëtar. Por nuk ka mjaftuar me kaq, pasi Aleanca i ka demaskuar dhe ironizuar shumë keq.
Në dokumentet e publikuara tregohet se 3 nga 11 inxhinierët dhe arkitektët që kanë firmosur janë të palicencuar.
Aleanca shkruan:
Pra, nga gjetjet e KLSH, ajo që vlen të evidentohet është se në këtë institucion janë të punësuar inxhinierë dhe arkitektë të paliçensuar dhe pa eksperiencë në kundërshtim me ligjin.
Në reagim, thuhet gjithashtu se nuk është kryer asnjë analizë profesionale në lidhje me materialet dhe strukturat mbajtëse të objektit
“Për t’u theksuar nga ky dokument është fakti se këto konkluzione janë arritur pa kryer asnjë analizë profesionale në lidhje me materialet dhe strukturat mbajtëse të objektit dhe asnjë provë laboratorike nuk është kryer për ato. KLSH-ja konstaton në përfundim të auditimit se Instituti i Ndërtimit nuk disponon asnjë laborator tekniko-shkencor dhe kjo ka sjellë në dhënien e oponencave jocilësore duke e kthyer këtë institucion në një zyrë të thjeshtë punësimi” – thuhet në reagim.