I hodhën tritolin në oborrin e shtëpisë, zbardhet dëshmia e polices nga Durrësi

Një automjet tip “Audi” shpërtheu mbrëmjen e djeshme në një lagjje të qytetit të Durrësit.

Ngjarja ndodhi rreth orës 22:35, në lagjen nr.17, ku sipas policisë lënda plasëse është vënë në oborr, aty ku ishte parkuar edhe makina.

Shpërthimi ka qënë i fuqishëm dhe ka krijuar panik në zonë. Ndërsa është mësuar se pranë banesës së efektives Ornela Buraku, ka ende forca policie.

Abcneës zbulon se Ornela ka thënë në hetuesi se nuk ka pasur asnjë konflikt të hapur dhe në këto kushte dyshimet janë se sulmi ka ardhur për shkak të detyrës.

Ajo është shprehur:

Nuk kam asnje konflikt. Rrjedhimisht nuk kam asnjë dyshim se kush mund ta ketë hedhur lënden plasese dhe për çfare motivi. U trembem shumë pasi shpërthimi ishte i fuqishëm. Shpresoj shume që kolegët që po hetojnë rastin të hedhin drite mbi këtë ngarje”

Kujtojmë se për ngjarjen janë shoqëruar deri më tani 10 persona, për t’u marrë në pyetje, ndërkohë që janë sekuestruar kamerat e sigurisë për të rënë në gjurmët e autorëve.