Feronit Shabani – Fero edhe pas largimit nga muzika po vazhdon të jetë shumë i komentuar në rrjete sociale.
Ndonëse ka bërë një tërheqje prej muajsh nga tregu muzikor, ai flitet thuajse për çdo postim që bën.
Me këtë rast, ai bëri me dije se në maj do të bëjë një emision të ri, në formë ‘podcast’-i.
Foto: Screenshot/Instagram “Pasi që ende vazhdojnë dhe merren me jetën time dhe përfitojnë njëkohësisht që një kohë të gjatë prej emrit tim, kam vendosur me e hap një emision timin (Podcast), ku do të adresohet gjithçka”, u shpreh ai.
I njëjti theksoi: “Në muajin maj do vijmë me shumë surpriza, përkundrazi figurat publike i mirëpres në emisionin tim. Tema interesante”.
Foto: Screenshot/Instagram
Ndryshimi drastik i Feros duket të mos jetë i besueshëm akoma për njerëzit.
Sidoqoftë, pritet të shihet se çfarë është në përgatitje 26-vjeçari.
