Lideri suprem i Koresë së Veriut Kim Jong-un ka paralajmëruar popullin që të parapërgatitet në lidhje me një krizë të vështirë në rezervat ushqimore për shkak të problemeve ekonomike qe po kalon vendi. Kim e krahasoi krizën aktuale me situatën e vitit 1990, kur Koreja e Veriut u përball me urinë vdekjeprurëse, si pasojë e të cilës humbën jetën 3 milionë qytetarë, ndërsa disa të tjerë ishin të detyruar të hanin lëvore pemësh për të mbijetuar. Koreja e Veriut i ka mbyllur kufijtë me botën për shkak të pandemisë Covid dhe kjo ka sjellë si pasojë edhe pezullimin e tregtisë me Kinën. Gjithashtu ndikim në përkeqësimin e ekonomisë vendase kanë patur edhe sanksionet ekonomike ndërkombëtare nga SHBA-ja dhe Japonia, të cilat ushtrojnë presion ndaj regjimit diktatorial të Kim.
Sipas një raporti të fundit nga "Human Rights Watch", janë vërejtur shenja të mungesës së ushqimit. Përmbytjet e mëdha vitin e kaluar gjithashtu ndikuan në prodhimin bujqësor dhe përkeqësuan situatën e rezervave ushqimore, sipas vëzhguesve. Në lidhje me pandeminë Covid, Koreja e Veriut pretendon se nuk ka patuar asnjë rast për shkak të mbajtjes së kufijve mbyllur.
Burimi: The Independent|Përktheu dhe Përshtati: JOQ Albania
