"Serbia do i dhurojë Maqedonisë dy dërgesa të tjera me vaksina." Kështu ka deklaruar kryeministri i Maqedonisë Zoran Zaev. Në një konferencë për mediat, Zaev ka thënë se Serbia do i dhurojë Maqedonisë 20 mijë vaksina “Sputnik”.
“Dëshiroj të falënderoj Serbinë, presidentin dhe Qeverinë për ndihmën e dhënë”, tha Zaev.
Po ashtu ai u ka bërë thirrje qytetarëve që të vaksinohen, duke thënë se vaksina ruse është e sigurt. “Ju bëj thirrje qytetarëve që të vaksinohen në mënyrë që të përfundojë imunizimi dhe të dalim nga kjo pandemi”, tha Zaev.
Serbia disa javë më parë i dhuroi Maqedonisë dhe 8 mijë doza vaksine kundër Covid-19, ndërsa edhe disa gazetarë e qytetarë të Maqedonisë u vaksinuan në Serbi.