Ndërkohë që numri i qytetarëve që po preken me koroanvirus vazhmisht po rritet, më në fund ka arritur lajmi i mirë për vaksinat.Ministri i Shëndetësisë, Venko Filipçe si dhe një delegacion i përbërë nga kori diplomatik dhe përfaqësues të OBSH-së, UNICEF dhe OKB mëngjesin e sotëm në Aeroportin e Shkupit kanë pranuar dërgesën e parë me vaksina kundër Covid-19 nga COVAX mekanizmi.Dërgesa e parë përfshin rreth 24 mijë doza të vaksinave nga kompania Astra Zeneca.Në Maqedoni tonë deri më tani janë vaksinuar 6.940 persona, kryesisht punonjës shëndetësorë.Vendi deri më tani ka arritur të sigurojë nga Rusia tremijë vaksina Sputnik V dhe tetëmijë vaksina të kompanisë Pfizer/BionTech, si donacion nga Serbia.Autoritetet serbe së fundmi kanë dhuruar edhe 100 doza të vaksinës Astra Zeneca për vaksinimin e gazetarëve, ndërsa gjatë ditës së djeshme dhe sot vazhdon vaksinimi në Beograd she Nish për qytetarët që kanë caktuar termine dhe për odat ekonomike.Për të siguruar imunizim kolektiv është e nevojshme që rreth 70% e popullatës të vaksinohen. Nga Instituti i Shëndetit Publik kanë bërë të ditur se në rast se 500 mijë qytetarë vaksinohen, atëherë gjendja epidemiologjike do të përmirësohet ndjeshëm duke marrë parasysh edhe faktin se rreth 100 mijë qytetarë të infektuar në të kaluarën tashmë kanë imunitet natyror.