Universiteti i Tiranës ka reaguar pas ndarjes nga jeta të studentes së Financës pranë Fakultetit të Ekonomisë Euxhena Jorgji për shkak të Covid-19. Duke e konsideruar një lajm të hidhur, ky universitet i shpreh ngushëllimet familjes Jorgji dhe shkruan se COVID-19 i preu në mes ëndrrat e studentes.
Reagimi:
Sot morëm lajmin e hidhur të ndarjes nga jeta të studentes tonë Euxhena Jorgji.
Me përfundimin me rezultat të larta të studimeve Bachelor në degën e Financës pranë Fakultetit të Ekonomisë u regjistrua në Master Shkencor “Menaxhim Risku”. Largimi i parakohshëm nga jeta për shkak të Covid-19 i ndërpreu në mes të gjitha ëndrrat e saj.
Universiteti i Tiranës i shpreh ngushëllimet Familjes Jorgji, shokëve dhe shoqeve të saj për këtë humbje të madhe të vajzës dhe mikes së tyre.
Rektori i Universitetit të Tiranës
Prof. Dr. Artan Hoxha