Tashmë është kthyer në një fenomen! Po po, raste të tilla s'kanë të ndalur në çdo cep të vendit. Një mesazh ka mbërritur pak më parë në redaksinë JOQ Albania, ku bëhet me dije se në Lezhë janë helmuar qentë dhe janë lënë në mes të rrugës. Ndërkohë ngjarja ka ndodhur pak metra larg bashkisë së qytetit. Siç duket edhe nga pamjet, një qen është filmuar në momentet e fundit të jetës, teksa ishte duke dhënë shpirt. Pamjet janë vërtetë të rënda, ndërsa një vepër e tillë thjesht mund të përshkruhet si çnjerëzore.
Theksojmë se ky nuk është rasti i parë, pasi shumë të tjerë të ngjashëm janë denoncuar nga shoqatat për mbrojtjen e kafshëve, si dhe nga ne, por mesa duket fjalët kanë rënë në vesh të shurdhër.
