Yzedin Bozhaj, pronari i firmës SHËNDELLI duket se ka kapur “bingon” së fundmi, pasi ka futur në xhep plot 1 miliardë lekë të vjetra me TVSH. Bëhet fjalë për një tender të organizuar nga Enti Kombëtar i Banesave Tiranë me numër reference REF-72239-09-18-2020 dhe me objekt "Ndërtim objekt banimi dhe shërbimesh 6 kate dhe 1 kat parkimi nëntokë" në qytetin e Tropojës.
Në tender kanë marrë pjesë tre garues, nga të cilët njëri ka ofruar vlerë zero, ndërsa tjetri ka ofruar një vlerë gati 240 milionë lekë të vjetra me TVSH më pak sesa fituesi. Pavarësisht kësaj, ndonëse më një vlerë më të lartë, fitues është shpallur bashkimi i firmave “Shëndelli“ shpk & “Halili ” shpk me vlerë të ofruar 82,081,701 lekë të reja pa TVSH ose rreth 1 miliardë lekë të vjetra me TVSH.
Gjithashtu edhe diferenca mes kësaj vlerë dhe fondit limit është thuajse qesharake, thuajse sa 99.85% e fondit limit. Të gjitha këto fakte krijojnë dyshime të forta se fituesi ka qenë i paracaktuar me kohë.