RoverI robotik i agjencisë hapësinore amerikane (NASA) ka nisur eksplorimin në Mars, vetëm dy javë pasi preku “planetin e kuq”. Roveri Perseverance ka lëvizur rrotat, duke bërë kështu lëvizjen e parë marsiane. Nuk lëvizi larg, vetëm 21 hapa në total, por zëvendës shkencëtarja e projektit të Nasa, Katie Stack Morgan, tha se ishte një moment domethënës.
Roveri robotik ka dy javë në Mars, ndërsa inxhinierët kanë kaluar kohën për analizimin e gjendjes së tij teknike. Roboti shkoi përpara një rrugë të shkurtër, u rrotullua në vend 150 gradë dhe pastaj u tërhoq pak. "Ju mund të shihni gjurmët e rrotave që lamë në Mars. Unë nuk mendoj se kam qenë ndonjëherë më i lumtur për të parë gjurmët e rrotave", tha inxhinierja e lëvizjes së Perseverance Anais Zarifian.
Automjeti do të kalojë javët e ardhshme duke vozitur nga vendndodhja e tij e tanishme në një pjesë të përshtatshme të terrenit ku pajisja prej 2 kg e quajtur Ingenuity mund të vendoset e sigurt në tokë."Ne jemi ende duke zbuluar zonat e mundshme të fluturimit," tha Robert Hogg, zëvendës menaxher i misionit të Perseverance. "Ne jemi duke marrë imazhe të kamerës së navigimit, imazhe stereo, që të jemi në gjendje të analizojmë terrenin. Dhe gjithashtu ekipi ka parë imazhe orbitale duke parë zonat e mundshme të fluturimit.
Burimi:bbc Përktheu dhe përshtati:JOQ ALBANIA