Ish-pacienti denoncon kushtet te Sanatoriumi: Dy persona që ishin në dhomë më mua i mbytën, s’na jepnin ushqim

Të shumta janë rastet kur pacientët dhe të afërmit e tyre denoncojnë kushtet skandaloze në spitalet në vendin tonë. Një pacient i cili ka qenë i shtruar në spitalin e Sanatoriumit ka denoncuar ditën e sotme kushtet skandaloze në të cilat thotë se është trajtuar. Gjatë një interviste për "News24" ai tha se brenda në spital ka pasur mungesë të ushqimit, dhe se e kanë nxjerrë para kohë nga spitali, përmes kërcënimit. Andon Qako tha se në dhomën e tij janë mbytur dy persona, por të gjithë këto deklarata të tij mbeten për t’u verifikuar, pasi janë shumë të rënda.

Në dhomën time ishin dy persona, që i vranë, i mbytën, i akuzoj unë, e them publikisht. Nuk kishte ushqim të mjaftueshëm, në polici nuk mi morën parasysh denoncimet. Unë isha 100 kile, më jepnin ushqimin e atyre që ishin në gjendje të rëndë.Më nxorën para kohe nga spitali, u kurova dhe një muaj më pas në shtëpi.

Por deklaratat e tij janë paksa kontradiktore, pasi fillimisht u shpreh se ka mungesë personeli brenda në spital, dhe më pas akuzoi bluzat e bardha për vrasje.