Një aksident tragjik ka ndodhur mëngjesin e sotëm. Në Rrogozhinë tre makina u përplasën duke shkaktuar tre viktima. Viktimat janë Tonin Mhilli, 58 vjeç, oficer i burgut të Peqinit, i cili ndodhej në mjetin tip “Audi” dhe gjeti vdekjen në vendin e ngjarjes, si dhe Merushe Koni 60-vjeçe dhe Bajram Koni, që humbën jetën në spital për shkak të plagëve të marra. Në lidhje me këtë ngjarje, policia ka shoqëruar njërin prej drejtuesve të mjeteve të përfshira në aksident, Endrin Lilën. Nga hetimet paraprake dyshohet se shkak i aksidentit të jetë bërë parakalimi i gabuar i njërit prej mjeteve. Ndërkohë mësohet se oficeri Tonin Mhilli i cili po shkonte në punë është babai i gazetares Valbona Mhilli, e cila ka bërë një dedikim në rrjetet sociale.
