Teksa duket se është bërë trend në PS futja e moshës së tretë në listat për kandidatë në zgjedhjet e 25 Prillit, Balluku ka deklaruar se vendin e saj ën Kuvend do ia kishte kërkuar Ramës t’ia linte vetëm një personi. Ministrja e shumëpërfolur e MIE jo vetëm për tenderat në shifra të çmendura që lëshon ministria e saj dhe institucionet që ka në varësi, por edhe për daljet e saj publike që ngjallin jo pak polemikë përsa i përket figurës së saj kontroverse.
Balluku ka deklaruar në një intervistë të dhënë në media se ndihet krenare që Rama ka futur në lista Bozon dhe Çomon teksa do ia kishte kërkuar vetë këtij të fundit që të zëvendësohej nga Agron Hysenlliu, nëse do të ishte gjallë.
“Nëse Agron Hysenlliu do ishte gjallë unë do kisha bërë një veprim publik dhe do i kërkoja kryetarit që të zëvendësohesha nga Agroni.”
Ndër të tjera Balluku deklaroi se me PS ka një lidhje shpirtërore.
“Unë e kam një angazhim politik nga viti 2006, nuk jam shkëputur ndonjëherë nga PS kam qenë gjithmonë e angazhuar, do të jem gjithmonë e angazhuar. Në opozitë kam bërë angazhimin tim më të madh, nuk më bën ndonjë ndryshim sepse lidhja me partinë nuk bën ndryshim a je në opozitë apo në pushtet është lidhje shpirtërore dhe në kontribuojmë në të njëjtën mënyrë. Do të vazhdoj të kontribuoj aty ku partia do të ketë nevojë dhe aq sa të ketë nevojë.”
