JOQ Albania
App Store
SHKARKO
Home
JOQ Albania

E shkarkuan se foli kundër qeverisë, mjeku Allkja: Rasti i parë në pluralizëm, nuk kam asnjë shkelje disiplinore
Shkruar nga: A Shehaj | Publikuar më: 19/01/2021 22:40

  • Share
  • Share
  • Share
  • Share

Mjeku i Urgjencës Kombëtare pranë QSUT-së Ilir Allkja, i cili gjatë këtyre muajve ka qenë një ndër zërat më kritikë mbi menaxhimin e pandemisë së Covid-19 nga qeveria, u pushua nga puna një ditë para Vitit të Ri për shkak të kritikave ndaj sistemit të shëndetësisë. Mbrëmjen e sotme Allkja ishte i ftuar në emisionin e Adi Krastës ku tha se ky rast i tij është i pari në pluralizëm, ndërsa paralajmëroi edhe përballje juridike.

Nuk kam asnjë thyerje apo shkelje disiplinore, asnjë ccështje në prokurori, nuk kam asnjë rast të braktisjes së punës. Nuk them se jam i përsosur, por kam bërë punën time me përkushtim. Është një precedent i parë në pluralizëm që një mjek pushohet nga puna thjesht për kritikat që ka bërë ndaj sistemit jashtë orarit të punës.

Më pas ai komentoi edhe videon e marsit të shkuar, kur kritikoi mungesën e pajisjeve mbrojtëse për mjekët.

Unë në atë kohë isha me shenja të Covid dhe ngrija shqetësimin për pajisje me mjete mbrojtëse. E gjitha kjo binte në vesh të shurdhër. Në një natë, i lodhur tej mase, kur isha në tre raste të dyshuara të personave që kishin ardhur nga Italia, në tre rastet shkova pa veshjen speciale. Nga frika e infektimit, lanccova një videomesazh duke kërkuar që sistemi të mos kalojë në kolaps. Asnjëherë nuk më është bërë e ditur se nëse do të kërkoj përmirësimin e sistemit, do të shkarkohesh nga puna.