Prokuroria Speciale kundërshton kërkesën për lirimin e Kadri Veselit nga paraburgimi

Prokuroria Speciale në Hagë ka kundërshtuar kërkesën e avokatit të Kadri Veselit për ta liruar atë nga paraburgimi.

Zyra e Prokurorit të Specializuar të premten dërgoi argumentet e saj kundër kërkesës së avokatit të Veslit, Ben Emmerson.

Të martën Prokuroria Speciale u përgjigj duke renditur argumentet e saj se pse Veseli duhet të vijojë të qëndrojë në paraburgim.

Përgjigja e Prokurorisë Speciale mban firmën e kryeprokurorit Jack Smith. Në këtë përgjigje thuhet se përkohësisht Vesli duhet të qëndrojë në paraburgim.

Aty thuhet se ai është i akuzuar për krime lufte dhe krime kundër njerëzimit, andaj lirimi i tij nga paraburgimi mund të jetë rrezik për arratisjen e tij.

Organi i akuzës në Hagë pretendon se kriteret për ta mbajtur Veselin në paraburgim janë përmbushur.

Sipas Prokurorisë asnjë masë alternative nuk adreson sa duhet këto rreziqe.

Më 11 nëntor, ish-kreu i PDK Kadri Veseli hodhi poshtë të gjitha akuzat e ngritura ndaj tij nga gjykata speciale e Hagës për krime gjatë luftës së Kosovës.

Akuzat që rëndojnë mbi Veselin janë:

• Përndjekje, krim kundër njerëzimit;
• Burgosje, krim kundër njerëzimit;
• Ndalim arbitrar, krim lufte;
• Akte të tjera çnjerëzore, krim kundër njerëzimit;
• Trajtim mizor, krim lufte;
• Torturë, krim kundër njerëzimit;
• Torturë si krim lufte;
• Vrasje, krim kundër njerëzimit;
• Vrasje e paligjshme si krim lufte;
• Zhdukje me forcë e personave, krim kundër njerëzimit.

Burimi: Exit.news