JOQ Albania
App Store
SHKARKO
Home
JOQ Albania

Mbante drunj në krah për të ngrohur nxënësit/ Flet mësuesi: Ndihem i poshtëruar
Shkruar nga: V Gashi | Publikuar më: 19/01/2021 18:24

  • Share
  • Share
  • Share
  • Share

Fotoja e mësuesit Maliq Torra nga Pogradeci, i cili mbante në krah shkarpa për të ngrohur nxenësit bëri xhiron e rrjetit. Komentet ishin të shumta, ku nuk munguan vlerësimet për mësuesin, ndërsa u komentua edhe si një problem në shkollat shqiptare mungesa e një sistemi ngrohës. Por, pavarësisht vlerësimeve të shumta, mësuesi ka folur në një lidhje “skype” për një emission, ku ka thënë se ndihet i poshtëruar. Torra tha se prej vitesh merr shkarpa për të ndezur zjarrin në shkollë, ndërsa shtoi se drutë nuk mungojnë, duke theksuar se ajo që nuk i ka pëlqyer është politizimi që i është bërë fotos.

Më konkretisht, mësuesi është shprehur se:

Është një postim nga më të rëndomtit. Ndihem i poshtëruar. Jo se dua t’i shmangem dhe të mohoj atë që kam postuar. Unë hodha një foto, një krah me dega që e marr vazhdimisht se unë kam vite që bëj mësim. Këto janë degë për të ndezur zjarrin. Nëse do ishte mungesë e furnizimit me dru, unë vetë do e denoncoja, por degët janë vetëm për të ndezur zjarrin. Unë këtë e bëj me vite të tëra. Unë nuk e shikoj si ofendim për të çuar degë për të ndezur zjarrin. Ajo që më shqetëson, përpos vlerësimeve që ishin me qindra, ky është një rast më pak se i zakonshëm. Nuk kam ndonjë problem pse u përhap fotoja, por politizimi që i bëhet, nuk më vjen mirë. Unë do e denoncoja nëse do kishte mungesë, por nuk kam pse të dal jashtë realitetit. Unë ndjehem keq sepse kam parë portale.