Presidenti Donald Trump nuk do të jetë i pranishëm ditën e nesërme për të parë betimin e paraardhësit të tij, Joe Biden si President. Por, mungesa e tij, do të ketë pak ndikim në atë që mund të jetë një nga momentet më të rëndësishme të Ditës së Përurimit, dorëzimi i “valixhes bërthamore”. Valixhja përmban pajisjet që Trump do të përdorte për të vërtetuar urdhërat e tij dhe për të nisur një sulm bërthamor. Gjithashtu, vlen të theksohet se valixhja mbahet nga një ushtar i cili shoqëron Presedentin në çdo kohë, deri në sekondën që ai do të lejë zyrtarisht detyrën. Pra, deri nesër. Zakonisht, valixhja i dorëzohet një ndihmësi tjetër ushtar që qëndron afër stendës së inaugurimit. Por, nesër për shkak se Trump nuk do të jetë i pranishëm ky shkëmbim do të ndodhë pak ndryshë. Trump-i pritet të largohet nga Washington-i për në Florida përpara ceremonisë së inaugurimit, ndërsa sipas ekspertëve valixhja bërthamore ka të ngjarë të udhëtojë me të, që do të thotë se do të ketë të paktën dy çanta në vende të ndryshme.
Burimi: edition.cnn.com | Përktheu dhe përshtati: JOQ ALBANIA