Abuzimet me tenderat nga universitetet shqiptare duket se nuk njohin kufij. Vetëm pak ditë më parë ju informuam në lidhje me abuzimet tek Universiteti Politeknik i Tiranës. Por me sa duket as vetë Universiteti i Tiranës nuk mbetet më mbrapa. Më konkretisht bëhet fjalë për një tender me numër reference REF-72669-09-22-2020 dhe me objekt SHPENZIME PËR PRODHIM DOKUMENTACIONI SPECIFIK (DIPLOMA).
Vihet re se në prokurim kanë marrë pjesë 5 kompani dhe se fitues nuk është shpallur firma me ofertën më të ulët, por përkundrazi. Ka fituar “Shtëpia Botuese Shtypshkronja MORAVA” me vlerë të ofruar rreth 62 milionë lekë të vjetra me TVSH. Vihet re se 3 firma nga 5 në total, kanë ofruar vlera më të ulëta e megjithatë janë skualifikuar. Mjafton të përmendet fakti se njëra nga firmat ka ofruar rreth 20 milionë lekë të vjetra me TVSH më pak se fituesi, pra të paktën 20 milionë lekë janë dëm i pastër ekonomik.
Dëm për shtetin, kuptohet, pasi me shumë mundësi do të përfundojnë në xhepat e drejtuesëve. Vihet re se personi që ka organizuar tenderin është administratori i UT, Skerdi Dafa. Mjafton të përmendet fakti se fotot e tij gjenden kudo në rrjet në fushatat e Partisë Socialiste.