Pandemia në COVID-19 ka ndryshuar shumë gjëra në botë, përfshirë edhe mënyrën e jetesës. Ajo që ka ndryshuar më shumë virusi është se ka rritur kostot dhe ka futur ekonominë në krizë. Mësohet se në vitin 2021 shteti pritet të japë më shumë fonde për Ministrinë e Infrastrukturës, të Shëndetësisë, Bujqësisë dhe të Mbrojtjes. Ajo që vihet re krahasuar me këtë vit, në vitin 2021 Ministria e Infrastrukturës do të marrë 4.1 miliardë lekë më shumë dhe në total buxheti i saj për 2021 arrin në 49.3 miliardë lekë. Me këtë buxhet fokusi kryesor pritet të jetë tek projektet e reja në infrastrukturë dhe energjia elektrike.
Më pas pason Ministria e Shëndetësisë e cila historikisht ka pas buxhet të madh, por këtë vit i janë shtuar vetëm 2.3 miliardë lekë. Me këtë rritje buxheti i saj arrin në 67.7 miliardë lekë nga 65.3 miliardë lekë që ishte parashikuar. Ministria e Bujqësisë do i jepen 2.1 miliardë lekë më shumë se këtë vit, si pasojë e zerimit të tre taksave për fermerët. Nga ana tjetër si pasojë e përfundimit të tenderave të rindërtimit, dhe duke qenë se nuk pritet të hapen projekte të mëdha është ulur me 3.3 miliardë lekë buxheti i Fondit Shqiptar të Zhvillimit. Ndërkohë është ulur me 4.8 milionë lekë buxheti i presidencës, me 176 milionë i Kuvendit, me 557.7 milionë buxheti i Financave. Po ashtu ministria e Kulturës do të ketë 37.7 milionë lekë më pak, e drejtësisë do ketë 905.7 milionë lekë më pak, 253.2 milionë më pak do të marrë edhe ministria e brendshme.
BUXHETI I MINISTRISË SË INFRASTRUKTURËS
Buxheti 2020 45.1 mld lekë
Buxheti 2021 49.3 mld lekë
Diferenca +4.1 mld lekë
BUXHETI I MINISTRISË SË SHËNDETËSISË
Buxheti 2020 65.3 miliardë lekë
Buxheti 2021 67.7 miliardë lekë
Diferenca +2.3 miliardë lekë
BUXHETI I MINISTRISË SË BUJQËSISË
Buxheti 2020 10.8 mld lekë
Buxheti 2021 12.9 mld lekë
Diferenca + 1 mld lekë
BUXHETI I FSHZH
Buxheti 2020 17.8 mld lekë
Buxheti 2021 14.5 mld lekë
Diferenca -3.3 mld lekë
BUXHETET E INSTITUCIONEVE
Presidenca -4.8 mln lekë
Kuvendi -176 mln lekë
Ministria e Financave -557.7 mln lekë
Ministria e Kulturës – 37.7 mln lekë
Ministria e Drejtësisë – 905.7 mln lekë
Ministria e Brendshme – 253.2 mln lekë