Ministri grek pritet me protesta/ Situata agravohet në përplasje fizike, plasin thirrjet: Turp i Policisë Shqiptare!

Ditën e sotme është mirëpritur në Ministrinë së Jashtme të Tiranës, kryediplomati grek Nikos Dendias, teksa bashkë më këtë ka nisur edhe protesta e aktivistëve të PDIU-së dhe shoqatës Çamëria. Kjo protestë është agravuar deri në përdorimin e dhunës fizike. Protestuesit çamë kanë ndjekur çdo lëvizje të ministrit grek shoqëruar me tubime.

Gjatë zhvendosjes së protestuesve nga Ministria e Jashtme drejt kryeministrisë situata është shoqëruar me tensione dhe përplasje fizike dhe nga kjo një person ka humbur ndjenjat. Kryetari i Partisë për Drejtësi dhe Unitet, Shpëtim Idrizi, në një prononcim për media apoeloi që policët të kapin hajdutët dhe vrasësit jo çamët.

Kryetari i Partisë për Drejtësi dhe Unitet, Shpëtim Idrizi tha:

Është arrestuar Bojken Abazi bashkë me aktivistë të tjerë të shoqërisë civile, i jam drejtuar disa herë punonjësve të Policisë, se ne nuk kemi ardhur këtu për të treguar forcën me ta, kemi ardhur për të protestuar kundër ministrit të jashtëm grekë. Ky është një turp i Policisë Shqiptare. Nëse janë trima, të turren në jug, dhe të kapinm hajdutët e vrasësit, dhe të mos merren me shqiptarët e çamërisë. Do u mbajmë mend emër për emër dhe fytyrë për fytyrë, të gjithëve ju që sot vepruat në shkelje të ligjit.