Rastet e mashtrimit janë bërë diçka e zakonshme në Shqipëri. Kemi dëgjuar plot histori të këtij akti të shëmtuar, por ata që më së shumti bien pre janë bizneset. Në të shumtën e ngjarjeve fajtori nuk gjendet kurrë dhe kjo vepër penale mbetet e pandëshkuar edhe në rastet kur denoncuesi ka fakte.
Së fundmi një denoncim i një rasti mashtrimi ka mbërritur në redaksinë e JOQ ALBANIA. Një qytetar, pronar i një lokali, ka denoncuar se një bashkëfshatar i tij, 28 vjeç, pasi ka filluar punë në lokalin e tij si kamarier, i ka marrë lekët dhe është larguar në drejtim të paditur. Fillimisht i riu është sjellë mirë me pronarin duke e ndihmuar, por kaq i ka mjaftuar, sa të krijonte besimin dhe më pas është larguar me gjithë paratë që ndodheshin në lokal.
Pronari denoncon:
Pershendetje JOQ. jam Person me Afesi te Kufizuara, doja te ndaja me ju nje ndodhi qe me ka ndodh kete muaj. Disponoj nje lokal te vogel ne fshat dhe mora si Kamarier nje cun nga fshati qe njifemi familjarisht, perpara se te fillonte pune te une te gjithe ne fshat me thoshin nuk eshte djal i mir eshte dallaveraxhi. Ai me mua ishte korrekt me ndihmonte shume, vendosa ta marr kamarier, filloj punen punonte mir. Me kerkoj lek (paradhenie) per cunin se do e bej synet tha ( cunin e ka 4-5 vjec) i dhash. Diten e shtune shkoj te lokali rreth ores 10 paradite shof lokali mbyllur, e marr ne telefon e kishte te fikur. Me thot shitsja dyqanit qe eshte afer lokalit: i ka len celsat ketu se i doli nje pune urgjente. Marr celsat hap lokalin shof kishte marr gjithe leket qe ishin gjendje dhe leket qe kisha len per furnizim. Iki kap te atin ai nuk dinte gje. Thot po e kape vrite une nuk kam cfar ti bej. Po e ndaj me ju kete qe te beni kujdes nga ky plere. Ky u ka marr te shume veta borxhe dhe te tjer ne fshat. Quhet Joni Nanushi datelindja 1992 ky ne foto. Une quhem Jergis Kapllani, po ju nis dhe dokumentin