Një aksident tragjik ka ndodhur mbrëmjen e djeshme në Brescia, Itali, ku si pasojë ka humbur jetën një i ri shqiptar. Siç shkruajnë mediat italiane, një makinë ku po udhëtonin 4 të rinj shqiptarë, të moshës 19-20 vjeç, ka humbur drejtimin në rrethana ende të paqarta duke u përplasur me një pemë. Viktima është identifikuar si Klajdi Hallulli dhe ka qenë duke drejtuar mjetin. Ai nuk i ka mbijetuar plagëve të marra dhe ka humbur jetën në spital. Ndërkohë tre të rinjtë e tjerë kanë mbetur të plagosur, por një prej tyre ndodhet në gjendje kritike për jetën, ndërsa 2 të tjerët kanë marrë lëndime më të lehta dhe janë jashtë rrezikut për jetën.
Burimi: giornaledibrescia.it |Përktheu dhe Përshtati: JOQ Albania