Chelsea ishte një nga ekipet më aktive në këtë merkato vere, por mesa duket ende nuk ka mbyllur çështjet e përforcimeve në ekip. Emra si Timo Werner, Kai Havertz e Ziyech të cilët zbarkuan në Londër gjatë kësaj merkatoje, duket se nuk i mjaftojnë trajnerit Lampard. Sipas ‘Tuttomercatoweb’, ‘Blutë’ janë duke treguar interesim për yllin e Juventus, Paulo Dybala.
Argjentinasi është në bisedime për kontratë të re me ‘Zonjën e Vjetër’, kontratë kjo që mund ta mbajë atë në Torino deri në vitin 2025. Megjithatë, situata mund të ndryshojë, pasi te Chelsea po monitorojnë situatën, në rast se marrëveshja dështon. Raportimet bëjnë të ditur se Chelsea synoi edhe Lautaro Martinez këtë verë, por lojtari nuk tregoi interesim. Kjo bëri që ata të hidhen fuqishëm në sulm për argjentinasin e Juventusit.