Zlatan Ibrahimovic vijon të jetë i infektuar me koronavirus prej 14 ditësh. Askush nuk e mendonte se se virusi do qëndronte kaq gjatë në trupin e një atleti si Zlatan, sidomos vetë ai. Në momentin e infektimit, Ibra shkruante: Virusi pati guximin të më sfidonte, ide e keqe! Të gjithë menduan se kjo sfidë do ishte mjaft e thjeshtë pës suedezin, por nuk po ndodh kështu.
Klubi kuqezi ka bërë dje testin e dytë për Ibrahimoviç pasi kaluan 14 ditët, por ai rezulton sërish pozitiv. Pritej që suedezi të rezultonte negativ pasi në bazë të informacioneve që janë dhënë për koronavirusin, duhej të ishte larguar, por mesa duket pandemia kërkon që ta zgjasë edhe më shumë sfidën me sulmuesin e njohur dhe kjo mund t’i prish jo pak punë. Sigurisht, Ibrahimoviç vazhdon të mos trembet aspak për shëndetin e tij dhe është në gjendje perfekte, por nga ana tjetër po afron derbi me Interin dhe tanimë vendoset në pikëpyetje prezenca e tij.