Cristiano Ronaldo njihet shpesh edhe si një njeri mjaft nevrik dhe e vë në pah sa herë i jepet mundësia. Të njëjtën gjë bëri edhe në ndeshjen ndaj Spanjës, kur gjyqtari Paolo Valeri fishkëlloi fundin e ndeshjes miqësore mes Portugalisë dhe Spanjës, e zhvilluar të mërkurën mbrëma. Mund të ketë qenë një ndeshje pa shumë rëndësi, por Ronaldo ishte i përgatitur për një shfaqje të mirë në ‘Jose Alvalade’ në Lisbonë, megjithëse ndeshja në fund përfundoi 0-0.
Pavarësisht rezultatit, reagimi i tij është një ilustrim perfekt të mentalitetit të tij fitues. Në pamjet që janë bërë virale në mediet sociale, 35 vjeçari shihet duke shfaqur pakënaqësitë e tij ndaj vendimit të gjyqtarit. Fituesi i pesë herë Topit të Artë, ishte i shqetësuar kur gjyqtari përfundoi pjesën e parë para kohe, edhe pse duheshin dhe pak sekonda. Ronaldo i kërkon llogari gjyqtarit, pse kjo pjesë u përfundua para kohe.