Një rast për ndihmë ka ardhur në redaksinë JOQ Albania. Një vajzë 17-vjeçare nga Tirana vuan nga Skolioza, e cila ka të bëjë më deformimet e shtyllës kurrrizore. Ajo ka lindur me këtë problem, por prindërit e kanë pikasur vetëm kur e kanë dërguar për kontroll për ftohje. Pas vizitës është vënë re problemi i saj nga mjekët përkatës dhe i kanë këshilluar të bëjë fizioterapi dhe ka mbajtur 2 herë korse për një periudhë 1-vjeçare. Ka patur pak përmirësime, por mjekët janë detyruar t’ia hiqnin korsenë e dytë për shkak se po zhvillohej sistemi kockor. Prindërit e saj thonë se spitalet shtetërore nuk e marrin përsipër ta trajtojnë vajzën.
Por një spital privat ka dhënë garanci 100% se operacioni është i mundur, por nevojitet një shumë prej 20-22 mijë euro. Ndërkohë kjo është një shumë e papërballueshme për familjen e saj, ndaj luten që kushdo që ka mundësi financiare të kontribuojë sadopak.