Shtëpia e Cristiano Ronaldos është grabitur nga disa hajdutë. Policia po heton vjedhjen e shtëpisë së yllit portugez në Madeira. Dialy mail shkruan grabitësit kishin hyrë në pronën e Ronaldo përmes një dere të hapur garazhi ndërsa futbollisti me familjen e tij nuk ndodheshin aty, pasi Ronaldo është momentalisht i angazhuar me ekipin kombëtar të Portugalisë.
Një i afërm i Ronaldos ngriti alarmin të mërkurën në mëngjes se shtëpia e sulmuesit 35-vjeçar ishte grabitur. Grabitësit kanë marrë sende të vogla me vlerë dhe janë larguar. Policia thuhet se ka identifikuar njërin nga hajdutët dhe është vënë në kërkim të tij. Ronaldo e bleu ndërtesën në Madeira në vitin 2015 nga projektuesi lokal, Nini Andrade Silva, për një shumë të pazbuluar dhe u nis për të bërë rinovimin e saj në pronën e tij të ëndrrave. Rimodelimi i shtëpisë i ka kushtuar portugezit plot 7 mln paund.