Hero i kohëve moderne/ Salah ndihmon një të pastrehë nga dhunuesit, i jep edhe 100 paund

Përveçse një futbollist i shkëlqyer, Mohamed Salah është edhe një njeri shembullor. Së fundmi ai është bërë hero i kohëve moderne, teksa ndërhyri për të ndaluar abuzimin e një njeriu të pastrehë afër "Anfield". Sulmuesi egjiptian po furnizohej me karburant, kur pa se disa persona po ngacmonin verbalisht një të pastrehë.

Duke mos e pëlqyer gjestin, ylli i Liverpoolit ndërhyri dhe paralajmëroi abuzuesit se një ditë mund të përballen me një fat të ngjashëm. Pasi personat u larguan, Salah i dha atij edhe 100 paund për të ngrënë diçka. Personi që u ndihmua nga Salah ka dhënë një intervistë ku ka folur për rastin në fjalë.

Ai tregoi:

Mo ishte po aq i mrekullueshëm si ai është për Liverpool në fushë Ai dëgjoi atë që një grup djemsh po më thoshin, pastaj iu kthye atyre dhe tha: ‘Mund të jeni ju pas disa vitesh kështu. Më pas ai më dha 100 paund. Çfarë legjende e madhe. Mo është një hero i jetës reale në sytë e mi dhe unë dua ta falënderoj atë".

Momenti heroik i Salah erdhi në të njëjtën natë kur Liverpool mposhti Arsenalin 3-1 në Premier League me sulmuesin që luajti 90 minuta të plota atë natë në Anfield.