Ante Rebic pësoi një dëmtim të frikshëm mbrëmjen e djeshme gjatë ndeshjes Crotone-Milan, duke nxjerrë bërrylin. Lojtari po hidhej në sulm, por duke rënë në tokë ai lëndoi krahun e tij që iu përdrodh në mënyrë të panatyrshme. Stoli i Milanit menjëherë tregoi shqetësim dhe kroati doli nga terreni i blertë për t'i lënë vendin Kolombos. Nga përshtypjet e para në fushë, ky nuk është një dëmtim i parëndësishëm, megjithëse pa dyshim që do të nevojitet kontroll shtesë.
Por sa do mungojë Rebic? Nëse mungesa e kroatit pritej në kuadër të “play off”-it të Ligës së Europës kundër Rio Aves, më 1 tetor, tashmë te Milani duhet të bëjnë llogaritë pa sulmuesin edhe në kampionat. Fundjavën e ardhshme në “san Siro” do të udhëtojë te Specia teksa më pas pushimi i kombëtareve mund të rezultojë i dobishëm për të rikuperuar disa lojtarë sepse, përveç Rebiçit, kuqezinjtë kanë edhe 7 mungesa të tjera nëpër reparte e prapavijës dhe sulmit. Duke qëndruar të sulmuesi, të dhënat e para flasin për një dalje të bërrylit, e cila u rregullua që në dhomat e zhveshjes falë ndërhyrjes së mjekëve kuqezi.