JOQ Albania
App Store
SHKARKO
Home
JOQ Albania

Mediat serbe ironizojnë me shqiptarët/ “Frikohen se Serbia do të gëlltitë Kosovën dhe Shqipërinë”
Shkruar nga: B Hasi | Publikuar më: 28/09/2020 15:06

  • Share
  • Share
  • Share
  • Share

"Vuçiç rilindë Mbretërinë e Dushanit" dhe "Serbia do të gëlltitë Kosovën dhe Shqipërinë". Janë tituj plot nacionalizëm të mediave pro presidentit serb- Aleksandar Vuçiç. Shkrime që deklaratat e boshnjakëve dhe shqiptarëve i vlerësojnë si frikacake dhe si argument për t'iu vardisur presidentit serb Vuçiç, kinse për fuqinë që e krijuaka. Titulli i parë është pjesë e ballinës nga e përditshmja "Telegraf", ndërkaq titulli i dytë ka zënë vend në të përditshmen "Alo", raporton JOQ Albania.

Shkrimi i parë është mbështetur në deklaratat e ish ambasadorit boshnjak në Moskë, Enver Haliloviç, njëherit edhe profesor i filozofisë politike. Ai këto deklarata i ka dhënë për një media malazeze. Sipas Haliloviç, synimi i presidentit serb Vuçiç ështe që prap në këto territore të ketë luftë. Në produktin tjetër me titull tendencioz media serbe "Alo" ka ironizuar me shqiptarët dhe frikën se "po i hanë Serbia". "Dëshpërim dhe zemërim. Shqiptarët kanë kuptuar se nuk do të kenë mënyrë për t'u mbrojtur nga dominimi i ekonomisë serbe", thuhet mes tjerash në shkrim. Konkluzionet kjo media i sjell duke u bazuar në deklaratat e fundit të ish kryeministrit Albin Kurti i cili marrëveshjën e fundit mes Serbisë dhe Kosovës e cilëson si marrëveshje e cila do të krijojë "Jugosllavinë e katërt".