Teksa çështja e Kosovës ka qenë në fokus të diskutimeve ditët e fundit, presidenti i Serbisë Aleksandër Vuçiç ka deklaruar se është i gatshëm për të diskutuar çdo lloj kompromisi. Ndërkohë ka shtuuar se për të kërcyer tango duhen dy persona.
Ai u shpreh:
Jemi gati për bisedime dhe për zgjidhje të vështira, sepse nuk ka zgjidhje të lehta. Ndryshe prej tyre, unë s’mund të luaj me lojën e hedhjes së fajit. Në Prishtinë duhet ta kuptojnë se vetëm kompromisi është zgjidhje ndryshe edhe sikur të marrin një çekiç dhe të më godasin në kokë, nuk do të ketë njohje të pavarësisë me forcë.
Ndërsa u pyet se kush e ka propozuar idenë për të emërtuar Liqenin e Ujmanit me emrin e presidentit amerikan, Donald Trump ai tha se kjo ka ardhur nga serbët e Kosovës.
Ai shtoi:
Qytetarët tanë në Kosovë e duan Trump. Si ka mundësi që askush nuk e kupton këtë, ata kanë kaluar periudhën më të keqe gjatë administratës së kaluar. Çfarë mendoni se do të ulemi në gjunjë para atyre që na kanë bombarduar? S’do ta bëjmë dhe nuk më vjen turp ta them këtë.
Burimi: b92.net|Përktheu dhe Përshtati: JOQ Albania