JOQ Albania
App Store
SHKARKO
Home
JOQ Albania

Altin Goxhaj: “Në Shqipëri duhet një gjyq për krime lufte si ai i Nurembergut”
Shkruar nga: N Hoxha | Publikuar më: 27/09/2020 19:00

  • Share
  • Share
  • Share
  • Share

Avokati i njohur Altin Goxhaj ka reaguar sërish në lidhje me situatën në zonën e Astirit dhe dëmshpërblimeve nga ana e qeverisë. Ai ka shkuar në terren dhe ka matur me metër një pjesë dukë argumentuar vendimin arbitrar të qeverisë për prishjen e një objekti që ishte jashtë projektplanit të ndërtimit të rrugës. Sipas tij qeveria po abuzon, ndërsa funksionimi i demokracisë në vend po çedon. Goxhaj ka theksuar se duhet një gjyq si ai i Nurembergut për të ndëshkuar të gjithë politikanët dhe të gjithë ata që kanë futur duart në xhepat e shqiptarëve.

Në një lidhje të drejtpërdrejtë për Fax News Goxhaj u shpreh:

Kjo skemë që ata kanë bërë, për ta bërë Shqipërinë një makinë mishi gjigande që grin pasurinë e shqiptarëve, është për t'i bërë shqiptarët që të mos jetojnë në këtë vend. Të gjitha këto prova që kanë të bëjnë me shkatërrimin ekonomik, dhe rrënimin e qëllimt ekonomik, ka në axhendë shpopullimin e Shqipërisë. Ky quhet krim kundër njerëzimit, krim që e parashikon kodi penal, koventat ndërkombëtare që Shqipëria i ka nënshkruar, si dhe një krim që e parashikon dhe Kushtetuta e Shqipërisë. Pikërisht nëse duam që ne t’i ndëshkojmë këta duhet të bëjmë një gjyq si ai i Nurembergut, jo vetëm për politikanët por për të gjithë ata që futën duart tek pasuritë e shqiptarëve. Pra duhet një gjyq për krime kundër njerëzimit, si ai Nurembergut, por që të bëhet ky gjyq nevojitet një gjykatë dhe një prokurori. Si gjykatën dhe prokurorinë e ka Sorosi, domethënë e kanë këtë. Ne kemi të akuzuarin kryesor Xhorxh Soros i cili me bandën e tij në Shqipëri ka kapur gjykatat dhe prokurorinë, ndaj zgjidhja është zhbërja me anën e një Kushtetute të re. Zhbërja e Kushtetutës së Sorosit bëhet me anën e një referendumi ku të vendosë populli. Kushtetuta e re bën nul vendimet e Kushtetutës së mëparshme dhe në këtë mënyrë ndodh zhbërja dhe ndëshkimi i këtyre.