Shoferi i një makinë ‘Volkswagen’ me vetëm 5 vende kishte futur brenda mjetit 12 refugjatë sirianë. Nga pamjet shihet se si makina kthehet në anë të rrugës dhe nga ajo dalin jo 3 apo 4 persona, por plot 12 vetë. Duket e pabesueshme se ku kishin qëndruar 12 personat në një makinë aq të vogël. Pasi makina me emigrantë zbrazet, niset sërish për rrugë, por sipas burimeve zyrtare të policisë, shoferi është kapur disa metra më larg dhe ndaj tij është ngritur akuza e transportimit të paligjshëm të emigrantëve. Gjithçka është filmuar nga kamerat e një biznesi aty pranë.