JOQ Albania
App Store
SHKARKO
Home
JOQ Albania

Ergys Verdho-s së ARRSH-së, “i fluturon tepeleku”, shpall fituese të tenderit firmën që ofroi gjysmë miliardi më shumë
Shkruar nga: M Gjini | Publikuar më: 18/09/2020 22:30

  • Share
  • Share
  • Share
  • Share

Çudira shqiptare plako! Po, po, mos e zgjat më! Nuk ke se çfarë të thuash më tepër jo vetëm për atë që ndodh çdo ditë në Shqipëri, por edhe në lidhje me tenderat që organizohen. Çudia më e fundit është publikuar ditën e sotme. Rezulton se Autoriteti Rrugor Shqiptar, i drejtuar nga Ergys Verdho, ka shpallur fituese një firmë e cila ka ofruar gati gjysmë miliardi të vjetra më shumë, se sa njëra nga firmat e tjera pjesëmarrëse!

Por për çfarë bëhet fjalë? Çudia ka ndodhur në tenderin që mban numrin referencës REF-65955-07-20-2020. Objekti i tij është ‘“Përmirësimi i Sigurisë Rrugore në segmentet me rrezik të lartë të rrjetit rrugor kombëtar” me fond limit 208.322.530,50 Lekë të reja pa TVSH. Afati i kontratës është 6 muaj dhe bëhet fjalë për riparimin e 6 segmenteve rrugore, përkatësisht Skurraj – Burrel 36.0 KM, Klos – Bulqizë 17.3 KM, Shupenzë – Peshkopi 25.4 KM, Përmet – Çarshovë 27.8 KM, Bajram Curri – Valbonë 27.0 KM dhe Qafë Mali – Fierzë 57.0 KM.

Në këtë tender kanë marrë pjesë 4 kompani (apo bashkime kompanish), nga të cilat 2 prej tyre kanë ofruar vlerë shumë më të ulët se kompania fituese. Madje njëra prej tyre ka ofruar rreth 437 milionë lekë të vjetra pa TVSH, pra gati gjysëm miliardi lekë të vjetra më pak! Kompania e katërt nuk ka ofruar fare vlerë ekonomike duke përforëcuar akoma më tej dyshimet se gjithçka është e paracaktuar.

Ndërkaq rezulton se firma që u shpall fituese, e ka vlerën e saj të barabartë me 96,96% të fondit limit, një tjetër indicie se tenderi dhe fituesi janë paracaktuar. Kompania që ka fituar tenderin është “JUBICA” sh.p.k. me vlerë të ofruar 2 miliard e katërqind mijë lekë të vjetra me TVSH. Rezulton se administrator dhe pronar i vetëm i kësaj kompanie është Ndoc Kulla. Kjo kompani ka fituar në 6 vitet e fundit një vlerë prej rreth 16 milion euro tendera.