Mbrëmjen e djeshme në kryeqytet ka patur një shpërthim me tritol mes dy bizneseve, “Hotel Victoria” dhe një lokali bar-kafe.
Informacionet e marra bënë me dije se hoteli është në pronësi të babait të Ervin Matës, biznesmenit që u përfshi në ngjarjen e rëndë të ndodhur në ish-Bllok ku pas muajsh arratie u vetëdorëzua në polici.
Burime për “ABC News” konfirmojnë se hotel “Viktoria” është në pronësi të Luan Matës, babai i Ervin Matës.
Ndërsa pistë kryesore e hetimeve mbetet biznesi i Matës, nuk përjashtohet pista e një konflikti të pronarit të një lokali bar-kafe, ngjitur me hotel “Victoria”, në pronësi të një personi të identifikuar si K. Gozhita.
Pronarët e dy bizneseve janë marrë në pyetje nga policia he rezulton se Gozhita nuk ka patur konflikte të mëparshme me persona të tjerë dhe rezulton pa precedent penal.
Duke marrë shkas nga precedetë të mëparshëm të Ervin Matës, policia dyshon se bëhet fjalë për një mesahz kërcënues për këtë person.
Deri tani kamerat e sigurisë të sekuestruara kanë zbuluar një automjet, targa e të cilit po verifikohet nga ana e policisë.
I pyetur nga policia babai i Ervin Matës, Luan Mata, është shprehur se nuk ka pasur konflikte të mëparshme.
Ndërsa kujtojmë se djali i tij, Ervin Mata ndodhet ende nën hetim për ngjarjen e tetorit të dy viteve të mëparshme të ndodhur në zonën e ish-Bllokut e cila mbetet edhe pistë kryesore e hetimeve për ngjarjen e mbrëmjes së djeshme.