Një gjyshi nga Rumania i është dhënë titulli i "burrit më të vjetër në botë".
Dumitru Comanescu, 111-vjeç e 203 ditë, trashëgoi këtë titull pas vdekjes së burrit britanik Bob Weighton, i cili ndërroi jetë në moshën 112-vjeçare si pasojë e kancerit.
Comanescu lindi më 8 nëntor të vitit 1908 në Provita de Jos, komuna Draganeasa, në qarkun Prahova.
111-vjeçari, i cili jeton në një qendër të përkujdesit për të moshuarit në Bukuresht, tha:
Ai tha se sekreti i jetëgjatësisë së tij ishte dashuria e gruas së tij, djemve, nipërve, mbesave, stërnipërve dhe stërmbesave, të cilëve iu ka uruar që të jetojnë më shumë se ai.
Comanescu u diplomua në universitet në 1933 dhe punoi si ixhinier bujqësor dhe në patologjinë e bimëve për 70 vjet.
Ai ka jetuar përmes një periudhe të pabesueshme momentesh historike, përfshirë të dy luftërat botërore, diktaturat e shumta ushtarake rumune, si dhe pushtimin e Rumanisë nga Bashkimi Sovjetik nga viti 1944 deri në 1958.
Comanescu ishte shpallur njeriu më i vjetër rumun i Bukureshtit në shkurt të këtij viti dhe iu dha rreth 1046 euro, si dhe një medalje nderi si homazh për jetën e tij.
Statusi i tij si burri më i vjetër në botë është konfirmuar edhe në Librin e Rekordeve Guinness.
Personi i verifikuar më i moshuar në botë që ka ekzistuar ndonjëherë ishte Jeanne Calment nga Franca, e cila lindi në 1875 dhe vdiq në 1977, duke jetuar 122 vjet e 164 ditë.
Burimi: Daily Mail|Përktheu dhe Përshtati: JOQ Albania
