Një i vrarë dhe dy të plagosur, ky është bilanci tragjik i ngjarjes së rëndë të ndodhur mbrëmjen e kësaj të shtune para një hoteli në aksin rrugor Lezhë-Mamurras, në afërsi të kryqit të Gjormit.
Viktimë mbeti 37-vjeçari Bujar Lika (Sinani), ndërsa dy të plagosurit u identifikuan si 53-vjeçari, Paulin Gjergji dhe 21-vjeçari, Kreshnik Tusha.
Ndërkohë, Policia e Kurbinit ka dhënë informacion zyrtar në lidhje me këtë "masakër", duke zbardhur të tjera detaje.
Burime nga policia bëjnë me dije se dy të plagosurit janë transportuar drejt spitalit të Traumës në Tiranë.
Po ashtu, mësohet se është ngritur një grup i posaçëm hetimor që po punon për identifikimin dhe kapjen e autorit/autorëve të ngjarjes.
Njoftimi i Policisë:
Kurbin /Informacion paraprak
Më datë 30.05.2020, rreth orës 22:17, në autostradën Mamurras-Lezhë, në fshatin Gjormë, Kurbin, në ambjentin e jashtëm të një hoteli, në rrethana ende të paqarta ka mbetur i vrārë me armē zjarri shtetasi B.H.,37 vjeç dhe janë plāgosur shtetasit P.Gj ,53 vjeç dhe K.T., 21 vjeç, të cilët janë transportuar në spitalin e Traumës, Tiranë.
Menjëherë në vendngjarje kanë shkuar shërbimet e Komisariatit të Policisë Kurbin dhe të Drejtorisë Vendore të Policisë Lezhë.
Për zbardhjen e rrethanave të ngjarjes, me qëllim identifikimin dhe kapjen e autorëve menjëherë është ngritur një grup i posaçëm hetimor me specialistë nga Drejtoria për Krímet e Rënda në Departamentin e Policisë Kríminale, specialistë të DVP Lezhë dhe nën drejtimin e Prokurorisë së Rrethit Gyqësor Kurbin, vijon puna për administrimin e çdo provë të vlefshme që do ti shërbejë zbardhjes së ngjarjes.
Në ndihmë të Policisë lokale kanë shkuar edhe dy grupe të FNSH-së Shkodër dhe vijon krehja e zonës dhe shoqërimi i personave që mund të kenë dijeni për ngjarjen.
