Prototipi i SpaceX për raketën tjetër, Starship, shpërtheu të Premten ndërsa i nënshtrohej testeve në jug të Teksasit. Prototipi nuk ka lidhje me raketën Falcon 9 e cila, do të marrë dy astronautë në Stacionin Hapësinor Ndërkombëtar sonte.
Kompania hapësinore e Elon Musk shpresonte të ngrinte në fluturim e anijes “Starship” për herë të parë, por orari është shtyrë për shkak të shpërthimit, i cili u zhvillua në vendin e provës së kompanisë.
Raketa Starship është krijuar për të transportuar njerëz dhe 100 tonë ngarkesë në Hënë dhe Mars.
Siç shihet në faqen e internetit e “Nasa Spaceflight”, automjeti shpërtheu duke lënë pas një shtëllungë tymi të madhe. Nuk ka asnjë informacion nëse ka dëmtime në njerëz nga shpërthimi.
Është hera e dytë që kompania do ta provojë misionin, pasi e ka ndaluar herën e fundit për shkak të motit të keq.
Përpjekjet për të hequr raketën nga toka në mënyrë të sigurt u penguan të Mërkurën.
Doug Hurley dhe Bob Behnken ishin dy Amerikanët e përzgjedhur për nisjen historike dhe janë dy nga astronautët më me përvojë të NASA-s.
Ekipi i SpaceX dhe NASA do të duhet të presë derisa Stacioni Ndërkombëtar Hapësinor të kthehet në pozicionin e duhur orbital për të lëshuar raketën.
Burimi:LADBible| Përktheu dhe Përshtati: JOQ-Albania