Një ngjarje e rëndë ndodhi pasditen e sotme në Vlorë, ku një i mitur gjeti vdekjen pasi u përplas nga një skrep teksa ishte duke punuar për hapjen e një grope që do të shërbente për ndërtimin e një parkimi privat.
Policia njoftoi se viktima ishte 25-vjeç, mirëpo dëshmitarët e së fundmi Konfederata e Sindikatave të Shqipërisë (KSHH) kanë përgënjeshtruar informacionin zyrtar, duke bërë me dije se punëtori që vdiq ishte vetëm 17 -vjeç.
Përmes një reagimi, KSHH deklaron se i mituri humbi jetën për shkak të mungesës së sigurisë teknike. Ai u godit për vdekje nga skrepi i një fadrome dhe ndërroi jetë në vend.
Sipas KSHH, trupi i pajetë i të miturit ka qëndruar për minuta të tëra në gropë, ndërkohë që theksohet se kanë qenë mediat që kanë njoftuar policinë dhe qytetarit.
Reagimi i plotë:
Pasiguria ‘në punë vret’ dhe në pandemi shteti hesht! Një 17 vjeçar në Vlorë ka humbur jetën në një aksídent në punë në qytetin e Vlorës për shkak të mungesës së kushteve të sigurisë teknike.
17 vjeçari ka qenë duke punuar në një gropë kur është goditur nga skrepi i një fadrome dhe ka humbur jetën në vend. Trupi i pajetë ka qëndruar për minuta të tëra, ndërkohë kanë qenë mediat që kanë njoftuar policinë dhe qytetarët.
Në Konfederata e Sindikatave të Shqipërisë i shprehim ngushëllime familjes dhe kërkojmë që policia dhe prokuroria të nisin një hetim.
Ky është një aksídent për shkak se drejtuesit e firmës që po kryen punime nuk kanë respektuar kushtet e sigurisë teknike në punë.
Sektori i ndërtimit po konkurron me galeritë e vdekjes minierat sa i përket punëtorëve që humbin jetën në vendin e punës.
Inspektoriati Shtetëror i Punës prej vitesh është në drejtim të paditur dhe siguria e jeta e punëtorit shqiptar është në mëshirë të fatit.
Stop pasigurisë në punë, jeta e punëtorit shqiptar është shenjtë!