Një ngjarje e rëndë është shënuar dy ditë më parë në Torino të Italisë. Një djalë 10-vjeçar, ka pësuar djegie të shkallës së tretë, pasi ishte duke kryer një eksperiment të shkollës në garazhin e shtëpisë.
Sipas raportimeve nga mediat italiane, ai po bënte një eksperiment të vogël shkencor për shkollën kur diçka nuk shkoi mirë.
Me iniciativën e tij, ai krijoi një përzierje me sodë buke, rërë, sheqer dhe alkool për të krijuar të ashtuquajturin 'gjarpërin faraon', një përzierje kimike, udhëzimet e të cilit gjenden në mësimet në internet dhe të cilat ai dhe nëna e tij kishin provuar më parë.
Teksa ai i vendosi flakën me një çakmak, zjarri u bë shumë i madh, duke e djegur djaloshin. Karabinierët gjetën në vendngjarje fletoren me udhëzimet për eksperimentin.
Në shtëpi me të ishte nëna që ngriti alarmin dhe i dha atij ndihmën e parë.
Fëmija u transportua me ambulancë në spitalin Regina Margherita me djegie të shkallës së dytë dhe të tretë në 70% të trupit (pjesa e sipërme). Gjendja e tij është e rëndë edhe pse ai kurrë nuk e humbi vetëdijen.
Dje u konstatua se djegiet ishin në 57% të trupit (kokë, qafë, kraharori para dhe mbrapa etj)
Fëmija ndjek shkollën fillore Don Milani në Piazza Neruda. Sidoqoftë, sipas hetuesve, mësuesit nuk janë plotësisht të lidhur me atë që ndodhi.
Burimi: TorinoToday | Përktheu dhe Përshtati: JOQ ALBANIA