Një ngjarje e rëndë ka ndodhur pasditen e sotme në qytetin e Vlorës.
Si pasojë e një aksidenti në vendin e punës, një i ri ka gjetur vdekjen. Ai është goditur nga skrepi teksa punonte.
Mësohet nga burimet për Fax, se 25-vjeçari po punonte në zonën e kalasë së qytetit kur ka ndodhur ngjarja ndërsa ende nuk është bërë i ditur identiteti i viktimës.
Mësohet se trupi i pajetë ndodhet ende në vendngjarje, ndërsa kanë mbërritur edhe efektivë të policisë për të sqaruar shkaqet dhe rrethanat në të cilat ka ndodhur.
29-vjeçari, Bujar Ç. nga Librazhdi po merret në pyetje në lidhje me shkaqet dhe rrethanat e ngjarjes ku mësohet se ka qenë në një mjet tjetër kur ka goditur 25-vjeçarin. Incidenti ka ndodhur në lagjen “Ujë i Ftohtë” Vlorë, pranë Kalasë, një mjet vinç duke kryer punime pastrime territori në këtë zonë, ka aksidentuar të riun.