Heqja e kufizimeve, i moshuari: Na janë larguar njerëzit, harrojnë që deri dje kemi pirë kafe

Lehtësimi i masave nga pandemia e koronavirusit ka qetësuar disi qytetarët, që sot shihen teksa mbushin rrugët e qyteteve.

Megjithatë, sipas kryeministrit Rama, pritet që më vonë fundjavat të jenë pa lëvizjen e makinave. Lidhur me këtë shumë shprehen pro dhe shumë kundër këtij vendimi, edhe pse nuk është bërë në asnjë vend të botës.

Ata që e kanë ndjerë më së shumti kufizimin e pandemisë janë të moshuarit, pasi ishin edhe më të rrezikuarit. Në një intervistë për Faxneës, një i moshuar shprehet i revoltuar me kufizimet e mëparshme, pasi kjo ka ndikuar për keq në psikologjinë e njerëzve.

Ai shprehet se kjo situatë i ka çorienutar njerëzit, e për më tepër të moshuarit që kanë vuajtur edhe periudhën e diktaturës.

I moshuari thotë:

Duhet të ishin hequr. Duhet të ishin bërë lëshime se shumë njerëz kanë pësuar trauma në kokën e tyre. Ne mosha e tretë jemi mësuar nga komunizmi me dajak e dru, dhe me burg. Tani po dalim, por jemi çorientu, na janë larguar njerëzit, kanë harruar që deri dje kemi pirë kafe. Është krijuar një stres në popull dhe ky stres duhet të largohet sepse hapin dhe propagandë. Këtë mund ta bëjnë edhe shtetet e huaja që gjoja do të kthehet. Ku e dinë ata? Unë e kam mbushur moshën. Mund të vdes dhe nga mosha. Unë kështu e mendoj por që ne jemi me halle, jemi popull me probleme dhe janë shumë gjëra, sidomos mosha e re kanë nevojë.