Mesa duket Koronavirusi po përhapet shumë shpejt edhe në shtete të tjera veçse Kinës. Mendohet dhe dyshohet për një rast në Austri, ku një stjuardesë kineze në Vjenë është ende nën hetim dhe rezultatet pritet të dalin nesër.
Kanë qenë kolegët e punës së saj që kanë pikasur kinezën dhe mendojnë se është e prekur nga virusi vdekjeprurës. Telegraf shkruan se ajo ndodhej në hotel si fillim dhe më pas është dërguar në spital.
Mjeku Sabine Hagenauer thekson se pacientja është mirë për momentin. "Ajo ka simptomat e një infeksioni të butë si gripi. Sot ajo po bën më mirë sesa dje", shtoi ai.
Ndërkohë, doktorët shtojnë se nuk ka ndonjë rast për tu shqetësuar në Austri nëse kanë ethe ose kollë, pasi mund të jetë thjesht një grip.
“Në çdo rast, askush në Vjenë dhe Austri nuk duhet të shqetësohet nëse kanë ethe ose kollë. Vala vjetore e gripit aktualisht është duke u zhvilluar, duke pretenduar mesatarisht rreth 2.500 raste çdo vit. Në sëmundje të rënda, pneumonia gjithashtu mund të ndodhë”, thanë doktorët.